ek kisaan tha. vah ek bade se khet mein khetee kiya karata tha. us khet ke beecho-beech patthar ka ek hissa zameen se oopar nikala hua tha jisase thokar khaakar vah kaee baar gir chuka tha aur na jaane kitanee hee baar usase takaraakar khetee ke aujaar bhee toot chuke the.
kisaan aur chattaan
rojaana kee tarah aaj bhee vah subah-subah khetee karane pahuncha par jo saalon se hota aa raha tha ek vahee hua , ek baar phir kisaan ka hal patthar se takaraakar toot gaya.
kisaan bilkul krodhit ho utha , aur usane man hee man socha kee aaj jo bhee ho jae vah is chattaan ko zameen se nikaal kar is khet ke baahar fenk dega.
vah turant bhaaga aur gaanv se 4-5 logon ko bula laaya aur sabhee ko lekar vah us pattthar ke paas pahuncha .
” mitron “, kisaan bola , ” ye dekho zameen se nikale chattaan ke is hisse ne mera bahut nuksaan kiya hai, aur aaj ham sabhee ko milakar ise jad se nikaalana hai aur khet ke baahar fenk dena hai.”
aur aisa kahate hee vah phaavade se patthar ke kinaar vaar karane laga, par ye kya ! abhee usane ek-do baar hee maara tha kee poora-ka poora patthar zameen se baahar nikal aaya. saath khade log bhee acharaj mein pad gae aur unhee mein se ek ne hansate hue poochha ,” kyon bhaee , tum to kahate the ki tumhaare khet ke beech mein ek badee see chattaan dabee huee hai , par ye to ek maamoolee sa patthar nikala ??”
- kisaan bhee aashchary mein pad gaya saalon se jise vah ek bhaaree-bharakam chattaan samajh raha tha darasal vah bas ek chhota sa patthar tha !! use pachhataava hua ki kaash usane pahale hee ise nikaalane ka prayaas kiya hota to na use itana nuksaan uthaana padata aur na hee doston ke saamane usaka mazaak banata